مظلوم يادنيا فيكي
بأيديا وبأديكي
الفرحة تايهة مني
وتملي بتيجي ضددي
مش عارف ازاى اعيشلك
بتقسي وبرضو احبك
مش عارف يادنيا مالك
حطاني ليه فى بالك
غلطانة عشان بأمنلك
مش واخد خوانة منك
مش جاي يادنيا احاسبك
انا بس جاي اقولك
مخدتش حاجة منك
ليه تخدي حبايبي مني
كفايا ذل فيا
وحسي شوية بيا
انا عايز بس اعيش
فرحان لقلبي الحزين
افرح واداوي جرحي
ويخف شوية دمعي
لا احزن على حد باعني
ولا قلبي يكون واجعني
مزعلش على اللى فات
ولا احن لذكريات
نفسي أحس بأمان
وياريت انسي اللى كان
مقابلش صحاب تخون
تكدب وعليها أهون
تعبت يادنيا اكون
بركان ماليان هموم
وزهقت انام واقوم
دمعي مالي العيون
انا خايف يادنيا منك
وازاى قلبي يأمنلك
لو ناوية تعذبيني
ارجوكي تفهميني
وقوليلي يادنيا امتي
هتحني وترحميني
بصيلي يادنيا تاني
يمكن اصعب عليكي
وان كنت غلط فيكي
عمري ماهعتب عليكي
بس انتي ترحميني
خديني جوة حضنك
وسبيني اعيش فى ضلك
.jpg)
