عكس التيار

لما تحس انك في حياتك ماشي عكس التيار وان الناس بتصف تصرفاتك

بالغرابه و بعدم الترتيب والتنظيم ولما تحس من جواك

ويتخللك مشاعر

انك فعلا زي م هما بيقولوا بتلاقي نفسك فجاه وقفت مكانك وتعبت

و مش قادر تكمل

لما تقف تفكر شويه في كلامهم ولما تبص تلاقي ان تصرفاتك دي عاديه

مش حاجات غريبه ولا شق من شقوق الجنون ولا درب من الخيالات

والخزبعلات اللي انت ماشي وراها

لما تلاقي شخص واحد بس بيسقفلك ويقولك برافوا كمل ها يلا قربت

هااااااااااااانت بتسال نفسك ياتري الشخص ده فعلا واثق في تصرفاتك

ومقتنع بيها وشايف ان التيار اللي انت بتمشي عكسه تيار وهمي من نسيج

الناس وانت اللي صح ؟؟

ولا بس مش راضي يكسر جواك العزيمه ولا يصدمك بالمفاجاه

!الموجعه انك فعلا غلط وبيقول خليه يمكن وجايز

مش غلط ان من البدايه نمشي عكس التيار مدام

مش بنمشي غلط مدام مش واخدين طريق غلط مش لازم نكون كلنا زي القطيع ماشيين في سكه

واحده ومش دايما كل من انشق عن القطيع كلوه الديب

فيها ايه لما تكون عاوز كل حاجة في نفس الوقت؟

صحيح محدش بياخد كل حاجة بس فيها ايه لما تحاول

هتخسر؟ هتضيع منك كل حاجة؟

لا هتطول بلح الشام ولا عنب اليمن زي م بيقولوا ولا هتبقي زي اللي

رقصت علي السلم لا التحت سمعوها ولا اللي فوق شفوها؟

زي م بيقولوا؟

ولازم تركز في حاجة حاجة ولازم تخلص حاجة وتبص علي اللي

بعديها ياعم ده ربنا خلق الدنيا في 6 ايام انت عاوز كل حاجة مع بعض؟

كلام سليم انا مقولتش حاجة تركز في حاجة حاجة وتعمل اللي عليك

عشان تتقدم للي بعديها

!بس فيها ايه يعني لما تركز في كل حاجة ؟

مش هتعرف

ليه؟ هو صعب؟

اه صاحب بالين كداب وصاحب تلاته منافق

لا مش صعب فيها ايه لما تكون بتركز في كل حاجة مع بعض

مش كل حاجة فيها ايه انك بدل م تعمل حاجة واحده بس

تعمل 3 وتركز فيهم هو صعب هو غلط

ليه غالبا بيتحكم علي اللي بيمشي في السكه دي انه مستعجل

وعاوز كل حاجة وليه دايما بيلاقي احباطات وليه دايما بيلاقي ناس تكسر المقاديف

او تقطع زعانفه عشان فكر انه يتعب شويه وينول كل حاجة مع بعض

وانا مبقولش كل حاجة انا بقول كام حاجة واحنا في عصر

التخاذل فيه مينفعش لازم تجتهد

ليه بقي لازم اكون زي باقي القطيع ماشي معاهم

ومستني اشوف هنقف فين ليه مقررش انا هاخد اي طريق

ليه مكونش انا الطريق

نظره الناس مش دايما صح ومش حتي الاغلبيه

لو اتفقت انك غلط تبقي فعلا غلط

فيه معتقدات كتير راسخه عند الناس مش قابلين انها تتغير

والناس اكتشفت ده بعد الثوره عمر م كان حد متخيل اللي يحصل واهو حصل

ولو كنت كلمت اي حد قبليها فيها كان هيقولك

ياعم بطل هبل لكن حصل

انا مبستعجلش الامور انا مش منافق ولا كداب انا بحلم حلم علي قدي

واقدر عليه محتاج توفيق بس من ربنا فيه وشويه صبر

متحاولوش تحسسوني اني ماشي في طريق سد او ضلمه هتكعبل فيه وهقع علي وشي واتعور

حتي لو ضلمه حسسوني ان ممكن اتكعبل واتخبط شويه لكن هوصل مش هقع

بلاش التشاؤم اللي بيوصلني منكم حاولوا تحسسوني اني مش غريب

ده حلم حلم مش بحلم ان يطلعلي جنحين واطير بيهم فوق السحاب

ومش بحلم اني امد ايدي امسك النجوم انا بحلم حلم عادي علي قدي

صعب؟

مش مهم وايه يعني؟

لكن مش مستحيل ولو حتي في نظركم مستحيل

وهياخد مش شهور سنييييين وايه يعني بدل م ياخد 10 ياخد 5 بدل م ياخد 5

ياخد تلاته

نظرتكم دي بتتعب وتفكيركم ده بيخلي الخوف والقلق يتسلل جوايا

وده بيضعفني مش بيقوني بيشككني في قراري حتي ولو كان الشخص اللي واقف

بيسقفلي من علي الشط مقتنع بيه لان انا نفسي مش عارف اذا كان اقتناعه

ده من جواه ولا عشان بس بيحبني

مكتبتش بقالي كـتـيـراوي هنا

ومفضفضتش معاكم من مده بس فعلا انا مفتقد التدوين

وكنت زمان بكتب عشان مش لاقي حد اتكلم معاه

لكن تعرفوا مكنش هو ده سبب ابتعادي عن التدوين ابتعادي عن التدوين

عشان كنت بهمش الامور مكنتش بفكر كتير وكنت مهتم بالهدف

اللي انا بتكلم عليه والحلم ده وكان شاغل تفكيري لكن لما تعبت دونت

وحشتوني بجد ووحشني البلوج والميوزيك

هههههههه

سلام والي لقاء قريب

Especially YOU

you lied after

everything i gave,

my heart,my soul,

my life,you lied...

broke my heart

my spirit....

you said you loved me ....

YOU LIED.....

I've just realized

that all happiness,

when turned into

memories

will soon

transform into

TEaRs ......

ماذا أكتب لكي

ماذا أكتب لكي...والحزن مضى بأجمل العمر..

ومضى أجمل العمر في انتظاركي

ماذا أكتب لك سيدتي؟

وانا هنا منذ الف سنه كتبت مالم يُكتب

ونزفت مالم يُنزف وانتي مازلتي هناك

لا تقرأي لا تشعري لا تتحركي ماذا أكتب لكي؟

وكل ما سيُكتب الآن سيكون بلا نبض

فأحساسي الجميل تجاهكّي غادرني منذ زمن

واحلامي الرائعة بكي توقفت منذ زمن

وفقدت شهية الشوق اليكي

ولم يعد الحنين اليكي يطرق بابي في المساء

ماذا أكتب لكي؟

وانا اصبحت اخاف من الايام كثيرا

فكلما مرّ يوم رأيتك تتناقص بي

وكلما مرّ يوم رايتك تنتهي وتتلاشى بي

وحجم الفراغ خلفك يرعبني

يا اللـــــــــــة

ماذا سيملآهذا الفراغ المخيف لو أنك رحلتي؟

ماذا أكتب لكي؟

وسيف الوقت بدأ يقتطع مني

وبدأت ايامي تتساقط كأوراق الخريف

وتبهت

وتجف

وتتطاير

امام عيني كالعهن المنفوش

ماذا أكتب لكي؟

وانا اصبحت أخاف الظلام كثيرا

ففي الظلام تتضح الاشياء

وفي الظلام تتضخم الأحزان

ويصبح الجرح بأتساع هذه السماء

وتصبح الذكرى بثقل هذه الجبال

ويصبح الحنين بحجم هذه الارض

ماذا أكتب لكي؟

وانا فقدت ذاكرتي بك

نسيت لون عينيك

وملامح وجهك

ونبرة صوتك

وشكل ابتسامتك

وطول قامتك

وأصبحتي في خيالي صفحة بيضاء

وصورة ممسوحة الملامح

ماذا أكتب لكي؟

وانا كلما هممت بالكتابة اليكي حاصرتني كبريائي

وفرّت الحروف مني

وخانتني الكلمات وخذلتني قواميس اللغه

وتكررت معاني الجمل وتشابهت تفاصيل الألم

وأصبحت الحكاية ممله

ماذا أكتب لكي؟

وبيني وبينك مدينة من الثلج

ومدينة من الحزن

وصوتك اليّ ....لا يأتي وصوتي اليك....لا يصل

وقلبي لا ينبض وقلبك لا يتحرك

ولا يعودون ابدا

رسالة لا يهمكم

امرها *

أغنيه

فينا واحد يلعب

فينا واحد يعاني

اعتقد فينا واحد ما يستاهل الثاني

قصة دمعة

غريبه قصه الدمعه ساعه تصبر على الالم واوقات تحيى الجراح والندم

مش عارف ليه لقيت نفسى بقارن بين الدمعه والدم الاتنين طعمهم مالح ودافى

اوقات تشعر ان قلبك بيموت برغم ان انفاسك داخله وطالعه بتأكد انك حى

واوقات بتبكى وانت فاكر انك بتهون علي نفسك برغم ان صراخك وحرقتك باينه فى التنهيده

اضطراب انفاسك بصدرك زى صخره بيعصف بيها موج البحر

عيونك اللي بيصعب انها تركز علي مكان وكأنك فى طريق فقدانك لحاسه البصر

وبتلمح طيف من كل صوره كأنك بتودع ذكرياتك وبتعلن الرحيل

ومحاولاتك للسيطره علي الدموع وفشلك فى ردعها وكأنها سيل قرر يغرق مدينة الاحزان

اللى دايما تروى اراضيها بدمك , مدينة الاحزان اللي ساكنه بين ضلوعك

مدينة اخلتها من البشر لكن كل انسان حب يسيب ذكرى ليه بمكانه القديم

اللي حفر حرف اسمه بالنار علي الجدران , واللي كتب قصته بالدم علي بابها

واللي ساب ورقه طيرتها رياح الخوف , واللي زرع ورده داستها رجلين الظلم

مآسى ومدينة مهجوره هتطهرها امواج السيل

وتتركها تحى نفسها من جديد بأبهى صوره كانت عليها اول مره اتشكلت

غريبه قصه الدمعه لما تبدأ بهدوء وتشتعل زى ثوره ومع ذلك تنتهى فى سكون وصمت

مش فارقة دلوقت

ساعات كتير بنكون ماشين في طريق على اساس ان احنا ماشين في اتجاه معين ونتفاجئ اننا وصلنا لمكان تاني خالص عمرنا مافكرنا اساسا فيه

ممكن المكان الي احنا نوصل ليه يكون احسن بكتير من الي اتمنناه وممكن يكون اسوء بس اكيد مدام مش احنا الي اخترناه وربنا هدانا ليه حتى لو كان اسوء من وجهة نظرنا فهو افضل بكتير

ساعات كتير بنحلم ونحلم ونصحى من الحلم نحاول نحققه ونفضل نحاول لحد مانقرب منه قوي ويبقى خلاص بينا وبينه خطوة واحده نرجع نمشي بعيد ونسيبه علشان بنحس ان الحلم دا ماينفعش يكون واقع حتى لو اتحقق هو مش مناسب لينا الاحسن نبعد ونبعد قوي كمان

اكيد هنتوجع كل مانفتكر الحلم الي سيبناه ومشينا بس وجع ساعه احسن من وجع كلساعه

ساعات بنكون تايهين مش عارفين احنا عايزين ايه وفي وسط التوهة دي نتفاجئ اننا تاهت جوانا حاجات كتير وتاهت معاهم كمان نفسنا

لو وقفنا لحظه ورجعنا ندور عليها بنلاقيها وبنلاقي نفسنا مش علشان احنا دورنا عليها لكن علشان بقى لينا هدف حتى ولو كان ان احنا نلاقيها

وساعات بيكون لينا هدف وشايفينه من بعيد وبنحاول نوصله وفي طريقنا ليه بنتنازل عن حاجات في نظرنا صغيرة ومش مهمة وفي النهاية لما نوصل نتفاجئ ان احنا خسرنا حاجات كتير حتى نفسنا خسرناها معاهم والهدف الي وصلناله مش بيعوضنا ولا اهم من الي خسرناه

مافيش حد بياخد كل حاجه وعلشان ناخد حاجه لازم نتنازل عن حاجه مقابلها المهم ان احنا منخسرش حاجه كبيرة مع الحاجه الصغيرة الي بنتنازل عنها علشان حاجه ماتستهلش نضحي بحاجه علشانها

ساعات بتضيع مننا حاجه كبيرة في حياتنا ونفضل نبكي كتير عليها مع ان بكاءنا دا مش هيرجعها

لو رضينا وبصينا حوالينا يمكن نلاقي حاجه ممكن تكون صغيرة بس اجمل بكتير ودموعنا الي مكنتش مخليانا نشوفها

ساعات بنشوف بإحساسنا في الضلمه الي مش بنشوفه بعنينا في النور

وساعات احساسنا بيكدب وبنحتاج بصيص النور علشان نعرف نشوف قدامنا

مش كل اللي اتربينا عليه صح

ومش كل التغيير مطلوب

مش معنى الفشل مرة واتنين وتلاته

ان احنا فشلنا

مجرد النجاح في الفشل دا في حد ذاته نجاح

وساعات لما بنفشل بنتعلم حاجات ولا عمرنا كنا هنعرفها لو نجحنا

هبني اللهم الصبر والقدرة لأرضى بما ليس منه بد وهبني اللهم الشجاعة والقوة لأغير ماتقوى على تغييره يد وهبني اللهم السداد والحكمة لأميز بين هذا وذاك

سعات بنتمنى اننا نفقد الذاكره فى بعض الحجات فى احداث نفسك تصحى

من نومك تلاقيها اختفت

كانها محصلتش اصلا وسعات بنتمنى ان الزمن يرجع بينا لورا

عشان نغير الاحداث دى

فشلت فى حاجه معينه .. قصه حب ملهاش لزمه .. موت حد قريب منك .. الخ الخ

طب لو ده حصل ممكن ساعتها نبقى مبسوطين

ممكن نشيل من ذاكرتنا احداث

وبعدها اما نفوق نحس اننا زى ما احنا ونكمل عادى كده

مش ممكن لو مر عليك الاحساس تانى تقول

انا فاكر انى حسيت الاحساس ده قبل كده بس مش فاكر امتى وازاى

زى اللى اول مره يجيله برد وبعدها بسنه ابتدت اعراض البرد تجيله تانى

اكيد هيقول يارب الدور ميزيدش اصلى عارف توابعه

هيبقى فاكر احساسه بدور البرد اللى فات بس مش عارف يوصفه

هى الحاجه اللى بتلمس قلوبنا اوى ممكن ننسى احساسنا بيها بسهوله

ممكن نشيلها من دماغنا اه

تخيل انك صحيت من النوم وناسى كل ذكرياتك بحلوها ومرها هتحس انك ولا حاجه

من غير ذكرياتك انت ولا حاجه بس الاكيد حتكون مستريح من جواك

من غير تاريخك انت شخص مطموس

ملوش ملامح

عشان الاحداث الحلوه والوحشه هى اللى بتصنع الانسان

You can erase someone from your mind

الان ادرك كم كنت غبي

كم كنت اهوى اشياء من المستحيل بقائها

كم كنت احلم بعالم من الخيال

عالم لا يسكنه ولا يتمناه سواى

كم كنت ضائع فى عالم من الاوهام

ارى ما لا يراه غيرى

واشعر باشياء غير محسوسه

ارانى مبتعد عن كل الاشياء التى اهواها

اسير فى طريق لا ارى نهايته

هناك نور طفيف يلمع فى مكان ما

لكنى لا ادرى اين هو ومن اين ياتى

سالت نفسى اى طريق اسلك لكى اصل لهذا النور

لكنى لم اجد اجابه كالمعتاد

سرت فى جميع الاتجاهات

لكن المسافه لم تقترب ولم تبعد

غلبنى التعب

لم اعد قادر على البحث مره اخرى

فهل من مخرج قريب

من يد تنتشلنى من ظلامى العميق

من صوت حنون يهمس فى اذنى ليهدء من روعى

هل يجب ان استمر فى هذه الطرق المجهوله

ام احاول جاهد ان ارجع من حيث اتيت

الان فقط ادرك كم كنت غبي

لاننى اقنعت نفسى انى سأواصل هذا الطريق

وحدى ... للابد

ألم المشاعر

تعبت من كتر التفكير فى احوال الناس وقلوب البشر

ايه القلوب الحجر دى ازاى قسيت كدا

طول عمرى بسأل نفسى ازاى نقسى علي حد بيحبنا

ازاى نجرح ونعذب ونقول أسفين دا قدر بيبقى نفسى اصرخ

واقول القدر مش ظالم احنا اللي بنظلم نفسنا

احنا اللي بنختار غلط

احنا اللي مبنحاربش , لأن الحكايه فى نظرنا متستاهلش

نحارب علشان مين وليه علشان مجرد حبيب

وكأن سهل فى الدنيا دى تلاقى حبيب ووفى , نحارب علشان مين , صديق هههههه ال صديق ال

الاستسلام تفكير سلبى ومحبط

دا احنا حتى مبنحافظش علي صورت الحبيب فى خيالنا

وبننساه بمرور وقت قليل جدا

ازاى نكون النهارده بنحب حد ومتعلقين بيه

وبكره عادى جدا مجرد انسان بيمر من جنبنا

ايه القلب دا , احنا بنهرب ولا بنتجاهل الذكريات وبنخاف حتى تمر بعقولنا لحظات فبنختار ننساها للأبد

فى يقين جوايا بيقول اللي يخون حبيب

هيندم أشد الندم , بس هل يا ترا وقت ندمها دا هتفكر دا ذنب مين

ولا هتقول الدنيا جت عليا , يمكن مش شرط

دايما ان الجرح يبقى تخليص ذنوب

بس اكيد فى ناس رحمة ربنا بتلحقها فى الدنيا يمكن

لأنهم مكنوش وحشين قوى كدا زى ما اتصورنا

وساعات بقى بنريح عقولنا خالص

ونقول مقلب القلوب هو الله النهارده بنحب فلان

بكره مش حاسين اننا بنحبه يبقى من عند ربنا لا معلش معتقدش

يبقى انتم اصلا فى الاساس مكنتوش بتحبو فلان دا

واللي يحيرنى اكتر الناس اللي بتنسحب من حياتك بدون ذكر جمله

لا خير ولا شر كدا بدون اسباب

ألم فراق الناس دى ملهوش مقياس علشان اقولكم مدى قسوته

وعذابه من الحيره والحنين

عارفين لو شخص مات بنكون مرتاحين نفسيا اننا عارفين

هو فين وعارفين بعد عنا ليه وساعتها بس بنقول

قدر الكلمه وهى بتخرج من قلوبنا بتصحبها

تنهيده تسليم للرحمن سبحانه وتعالى

لكن اللي بعد بدون سبب واضح لينا

بنمشى ندور بعنينا عليه فى كل طريق وكل مكان جمعنا سوا او

حتى كنا بنفكر نروحه سوا بتبقى ذكرياته عذاب والتخلص

منها محال , بنقول ساعات بينا وبين الناس

لا خلاص احنا نسينا ومبنفكرش في اللي بعد هيا اللي اختارت

مش عارف بنحسن صورتنا فى عيون الناس ولا بنحاول نحسنها فى نظرنا احنا

يمكن علشان نقدر نكمل قال يعنى قلوبنا قسيت خلاص

وبقينا زى باقى الناس قلوب

بتنبض علشان تعيش والسلام
اعتقد مفيش غير اننا نقدم تحيه للناس اللي مشاعرها ماتت

الناس اللي اصبحت حجاره بتمشى بقدرة ربنا

الدنيا بتلف ومبتقفش عند حد وزى ما خونتي هيجى يوم وتتخاني هى كدا يا عزيزتى يوم ليكي ويوم عليكي

نصيحه منى احتفظ بالذكريات ولو فى سرداب

محدش يوصله ولا يتفتح

يمكن الذكرى دى تصحى قلوبنا فى يوم تانى

ترجع بتدق بأحساس يمكن وقتها تكون طوق نجاه لينا

من تحول القلوب للاسوء

اسقى مشاعرك دايما بالطيبه

وكون انسان مهما اتغير الزمن